Казан халыкара аэропорты дөньяның иң яхшы аэропортлары унлыгына керде

Һава диңгезе Россиядә беренче һәм бердәнбер буларак пассажир агымы 5 миллионга кадәр булган аэропортлар рейтингына кертелгән.

(Казан шәһәре KZN.RU, 8-нче апрель). Казан халыкара аэропорты Best Airports 2019: under 5 million passengers – 2019 елның пассажирлар агымы 5 миллион пассажирга кадәр булган иң яхшы аэропортлары рейтингында тугызынчы урынны алды.

Рейтингның беренче өчлегенә, Британиянең Skytrax тикшеренү консалтинг компаниясе фикеренчә, Лондон (Бөекбритания), Кито (Эквадор) һәм Баку (Әзербайҗан) аэропортлары кергән. Россиядә беренче һәм бердәнбер буларак Казан аэропорты 5 миллионга кадәр пассажир агымы булган аэропортлар рейтингына кертелде, дип хәбәр итә компаниянең матбугат хезмәте.

Шунысын да билгеләп үтәргә кирәк, Skytrax рейтингларын аннан да эрерәк һава диңгезләре өчен дә төзелгән. Шулай итеп, пассажирлар агымы буенча 5 миллионнан 10 миллионга кадәр пассажир агымы булган аэропортлар рейтингында сигезенче урынны Екатеринбург алды.

2019 елда Казан аэропорты шулай ук беренче һәм бердәнбер буларак Россиянең аэропортлары арасында Best Airport Staff in Russia & CIS – Иң яхшы аэропорт персоналы бүләкләренә лаек булды. Казанның һава капкалары Skytrax версиясе буенча, 5 тапкыр Best Regional Airport Russia & CIS – Россиянең һәм БДБ илләренең иң яхшы региональ аэропорты исеменә лаек дип табылды һәм «4 йолдыз» Skytrax рейтингына ия булды.

Skytrax - британ бәйсез тикшеренү консалтинг компаниясе, ул авиакомпанияләрнең һәм аэропортлар тарафыннан күрсәтелә торган хезмәтләрнең сыйфатын тикшерә. Экспертлар барлык этапларны үтеп, гадәти пассажир сыйфатында чыгыш ясый - һава диңгезе яры территориясенә килүдән башлап, самолет бортына утыруга кадәр. Беренче чиратта күрсәтелә торган хезмәтләрнең сыйфаты, аэропортта булу уңайлылыгы, персоналны һөнәри яктан әзерләү дәрәҗәсе, пассажирларның куркынычсызлыгы бәяләнә. Шулай ук паспорт контролен узу һәм теркәү урыннарында озын чиратлар булуга, багаж бирү вакытында оперативлык, җәмәгать туклануы оешмалары булуга, терминал бинасында да, сайтта да клиентларны мәгълүмати яктан тулы тәэмин итүгә, терминалларның чисталыгына, Интернетка чыгу мөмкинлегенә дә игътибар бирелә.

Шулай ук укыгыз

Барлык яңалыклар