Казан Мэриясе Вадим Әбдрәшитовның туганнары һәм якыннарының кайгысын уртаклаша

Казан Мэриясе Вадим Әбдрәшитовның туганнары һәм якыннарының кайгысын уртаклаша

<p> </p> <div class="detail-picture"> <img src="https://kzn.ru/upload/iblock/fcc/DSC_4648_870.jpg"> <p class="detail-picture__caption"> Фото: Денис Гордийко </p> </div> <p> (Казан шәһәре KZN.RU, 13 нче февраль). Казан шәһәре Мэриясе танылган кинорежиссер, Россиянең халык артисты Вадим Әбдрәшитовның вафат булуы сәбәпле туганнарының һәм якыннарының тирән кайгысын уртаклаша. </p> <p> Вадим Йосыпович Әбдрәшитов 1945 елның 19 нчы гыйнварында туган. 1970 елда Бөтенроссия дәүләт кинематография институтының режиссерлык факультетына укырга керә. Аңа «Слуга», «Остановился поезд», «Плюмбум, или Опасная игра», «Пьеса для пассажира», «Время танцора» кебек фильмнар аеруча танылу китерә. </p> <p> 1986-1990 елларда СССР кинематографистлар берлеге идарәсе секретаре була. Ул – Россия Кинематографистлар берлеге әгъзасы, Россия кинематография сәнгате академиясе вице-президенты. Актив җәмәгать эшчәнлеге алып бара.  </p> <p> Казанның мәдәни тормышында Вадим Йосыпович аерым роль уйнады. Ул Казан мөселман кинофестиваленең һәм «Аксенов-фест» әдәби-музыкаль фестиваленең мәртәбәле кунагы булды. Вадим Әбдрәшитов ярдәмендә «Аксенов-фест» программасында «кино» юнәлеше барлыкка килде. </p> <p> Россия киносы мэтры, үз иҗатында әдәбият, поэзия, кино һәм сынлы сәнгатьне ачык кулланып, яшь кинематографистлар белән тәҗрибә уртаклаша иде. </p>

2023-02-13T20:17:19+0300