Казан мэриясе эшлекле татар теле курслары оештыра

Казан мэриясе эшлекле татар теле курслары оештыра

<p> </p> <div class="detail-picture"> <img src="https://kzn.ru/upload/iblock/a3a/a3a023f88db85ba8b60ad2ecfac1f314.jpg"> <p class="detail-picture__caption"> Фото: тел культурасы өлкәсендә милли сәясәтне гамәлгә ашыру бүлеге </p> </div> Казан мэриясе эшлекле татар теленә өйрәтү буенча бушлай яңа курс җыя. Уку 12 дәресне үз эченә ала. Ул берничә әзерлек дәрәҗәсенә исәпләнгән: башлангыч һәм дәвам итүчеләр. Катнашучылар тел, грамматика һәм сөйләм нигезләрен үзләштерәчәк. Шулай ук дәресләрдә эшлекле стиль үзенчәлекләренә, татар әдәби теле нормаларына һәм сөйләм этикетына өстенлек биреләчәк. <p> </p> <p> Курс 22 нче апрельдә башлана һәм 1,5 ай дәвам итә. Бер дәреснең дәвамлылыгы – 2 сәгать. Дәресләр Короленко урамы, 11а адресы буенча урнашкан «Яратам» яшүсмерләр клубында узачак. Катнашу өчен <a href="https://forms.gle/TVsMJi8hCesiRBmm7">сылтама</a> буенча теркәлү зарур – урыннар саны чикле. </p> <p> Тулырак мәгълүматны +7(843)299-15-99 телефон номеры буенча белергә мөмкин. Һәр төркемнән иң яхшы өч укучыны истәлекле бүләкләр көтә, дип хәбәр иттеләр шәһәр Башкарма комитетының тел культурасы өлкәсендә милли сәясәтне гамәлгә ашыру бүлегендә. </p> <p> Укыту ТР рәисе каршындагы Татар телен һәм Татарстан Республикасында яшәүче халыклар вәкилләренең туган телләрен саклау, үстерү мәсьәләләре комиссиясе ярдәме белән гамәлгә ашырыла. Быел дүрт курс планлаштырылган, беренчесе февральдә үтте. </p> <br>

2024-04-18T12:21:23+0300