Казан Мэриясе һәм Сәламәтлек саклау идарәсе прививка ясату пунктларында вакциналар булу-булмау турында мәгълүмат бирү өчен телеграм-бот эшләде

Белгечләр фикеренчә, бу шәһәрлеләрне вакцина ясатуга күбрәк җәлеп итәргә ярдәм итәчәк.

Фото: Марат Мугинов

(Казан шәһәре KZN.RU, 25-нче октябрь, Ксения Швецова). Якындагы ике көндә Казанда телеграм-бот эшли башлаячак, аның ярдәмендә шәһәр халкы теге яки бу вакцинаның конкрет вакцинация пунктында булу-булмавы турында оператив рәвештә белә алачак. Бу хакта бүген Мэриядә узган эшлекле дүшәмбе вакытында ТР сәламәтлек саклау министры урынбасары – ТР ССМ Казан буенча Сәламәтлек саклау идарәсе башлыгы Владимир Жаворонков хәбәр итте.

Көн саен шәһәр халкыннан теге яки бу вакцинаның конкрет вакцинация пунктларында булу-булмавы турында күпсанлы сораулар килә, дип сөйләде В.Жаворонков. «Вакцинация пунктларына мөстәкыйль рәвештә шалтыратып, халык һәрвакытта да кирәкле мәгълүматны кыска вакыт эчендә ала алмый», – диде ул. Әлеге ситуацияне исәпкә алып, Казан Мэриясе һәм ТР ССМ Сәламәтлек саклау идарәсе агымдагы елда 8:00 сәгатькә вакцинациянең конкрет пунктында вакцина булу-булмау турында мәгълүмат алырга мөмкинлек бирүче телеграм-бот эшләде. «Бу шәһәр халкына актуаль мәгълүматны эзләүне җиңеләйтергә һәм вирустан үзен һәм якыннарын зур уңыш белән якларга мөмкинлек бирәчәк», – дип ышанып әйтте В.Жаворонков.

«Телеграмм-бот чыннан да халык өчен уңайлы корал була ала, шуңа күрә әлеге ресурсны хуплавыгызны сорыйм», – дип килеште Казан Мэры Илсур Метшин.

Исегезгә төшерәбез, бүгенге көндә Казанда 48 вакцинация пункты эшли, шул исәптән берничәсе – мобиль.