Казан Мэры яңартылган «Чулпан» мәдәният үзәгендә шәһәр филармониясе концертында булды

Чара Туган телләр көненә багышланган иде.

Фото: Денис Гордийко

(Казан шәһәре KZN.RU, 27-нче апрель, Камилә Гобәйдуллина). Казан Мэры Илсур Метшин кичә Казан шәһәр филармониясенең «Шоу, покоряющее сердца» концерт-презентациясендә булды. Чара яңартылган «Чулпан» мәдәни үзәгендә узды һәм Туган телләр көненә багышланган иде. Иҗади коллектив һәм филармония солистлары үз репертуарындагы иң яхшы номерларны тәкъдим иттеләр, ә хезмәткәрләр киләчәккә планнар турында сөйләделәр.

Исегезгә төшерәбез, Җиңү проспекты, 48а адресы буенча урнашкан «Чулпан» мәдәни үзәге бинасы мәдәният сарайларын капиталь ремонтлау буенча президент программасы буенча яңартылган иде. Үзәкнең тантаналы ачылышы узган елның декабрендә булды. Идел буе районында яшәүчеләрнең 700-ләп кешене сыйдыра торган заманча мәдәни учреждениесе барлыкка килде.

Яңартылган мәдәни учреждение «Казан» профессиональ хореография ансамбленең репетиция базасы булды, шулай ук Казан шәһәр филармониясе, «Казан нуры» халык уен кораллары оркестры һәм 30-га якын җырчы-вокалистның төп эшчәнлек мәйданчыгы. Моннан тыш, биредә «Казан» бию ансамбле каршындагы мәктәп-студия белән балалар филармониясе ачылды.

Тамашачылар - җирле халык, җәмәгать эшлеклеләре, мәдәният өлкәсе вәкилләре. Концертта «Чулпан» мәдәният үзәгенең әйдәп баручы коллективлары, шулай ук Казан шәһәр филармониясе солистлары Алсу Вәлиуллина, Гөлназ Гафурова, Илгиз Зәкиев, Әмир Әхмәдишин һәм Рөстәм Насыйбуллин чыгыш ясадылар. Моннан тыш, Татарстанның халык артисткасы Резидә Шәрәфиева һәм республиканың атказанган артистлары Ләйсән Мәхмүтова, Марина Карпова, «Фәридә-Алсу» дуэты үзләренең иң популяр композицияләрен башкарды. Номерларны баянчылар Наил Сәгъдиев, Булат Хисмәтов һәм Айзат Мәрдан бизәде.

Яңартылган мәдәният үзәгктә ике премьера булды инде, алар шәһәр халкында зур кызыксыну уятты: заманча интерпретациядә «Золушка» балалар мюзиклы һәм «Австралиягә – Сабантуйга» музыкаль комедиясе. Алар турында тулырак сәхнәдән мәдәни үзәк хезмәткәрләре сөйләде. Алар кунакларга коллективның төп бурычы – музыкаль театр буларак һәм бию юнәлешендә үсү, дип игълан иттеләр.

Соңгы дүрт елда гына да «Казан» ансамбле республика башкаласына һәм бөтен Татарстанга берьюлы өч популяр спектакль бүләк итте. Бу «Казан хәзинәсе, «Бөек ефәк юлы» һәм К.Тинчурин исемендәге театрның классика мотивлары буенча куелган «Зәңгәр шәл» спектакле. Әлеге спектакльләрдән өзекләр шулай ук концерт программасында да тәкъдим ителде.

Чара вакытында кунакларга мәдәни үзәкнең тагын бер яңа перспективалы проектын – балалар филармониясен тәкъдир иттеләр. Тәҗрибәле педагоглар көче белән ул даими рәвештә яшь артистлар белән таныштырачак, ә балаларга үз талантларын үстерергә ярдәм итәчәк.

Чара 26-нчы апрельдә үзенең 135 еллыгын билгеләп үтүче татар шагыйре Габдулла Тукай шигырьләренә язылган «И туган тел» җыры белән тәмамланды.

Концертка шулай ук Казан Башкарма комитеты җитәкчесе урынбасары Гүзәл Сәгыйтова, шәһәрнең Мәдәният идарәсе башлыгы Азат Абзалов һәм Вахитов һәм Идел буе районнары хакимияте башлыгы Марат Закиров килгән иде.