Бер атнадан да азрак вакыт эчендә Казанда сукбай этләрне аулау буенча яңа бердәм номерга 500дән артык гариза кергән

Шәһәр халкы мөрәҗәгатьләрне тәүлек әйләнәсе һәм ялларсыз калдыра ала.

Фото: Денис Гордийко

(Казан шәһәре KZN.RU, 12-нче июль, Ксения Швецова). Сукбай хайваннарны аулауга гаризалар кабул итү буенча Казанда 7-нче июльдән эшли торган бердәм линиягә инде 530 мөрәҗәгать кергән. Бу хакта бүген эшлекле дүшәмбедә шәһәр Башкарма комитеты җитәкчесе урынбасары Искәндәр Гыйниятуллин хәбәр итте.

Шәһәр халкы тәүлек әйләнәсе һәм ялларсыз эшли торган +7(843)222-0-444 номеры буенча мөрәҗәгать итә ала. Шалтыратуларны робот кабул итә. Тавыш сигналыннан соң ул шалтыратучының үзе белән таныштыруларын һәм хуҗасыз хайванның кайда булуын тәфсилләп сөйләп бирүләрен сорый. Барлык алынган хәбәрләр Казанның Торак- коммуналь хуҗалыгы комитетына килә, шуннан соң махсус оешмага җибәрелә.

«Эш башыннан линиягә инде 530 гариза кергән. Чагыштыру өчен – агымдагы елның 6 аенда Комитет тарафыннан 3800 гариза кабул ителгән», – дип хәбәр итте Искәндәр Гыйниятуллин.

Сукбай этләрне аулауга гаризаларның күп булуы проблеманың актуальлеге турында сөйли, аны хәл итү вакыт таләп итә, дип билгеләп үтте Казан Башкарма комитеты җитәкчесе Рөстәм Гафаров. «Бармак чиртү белән генә әлеге мәсьәлә хәл ителмәячәк. Без сукбай хайваннар белән эш итү, беркетелгән норматив актлар булмау, хуҗаларның үз хайваннары өчен җаваплылыгы турындагы камил булмаган закон белән богаулы, – диде ул. – Бездә әлегә кадәр барлык хайваннарны юк итәргә һәм нокта куярга кирәк, дип санаучы кешеләр күп. Бу чагыштырмада бик күп билгесезләр булуга карамастан, без диңгез буенда һава торышы яхшыруын көтеп тормыйча, проблема белән шөгыльләнергә карар кылдык. Канун кысаларында көчебездән килгәнне эшләячәкбез. Бәлки, бу инде беренче тапкыр гына алай түгел, безнең тәҗрибә башкалар өчен файдалы булыр».

Элегрәк сукбай этләр темасын Казан Мэры Илсур Метшин Instagram да туры эфир вакытында күтәрде. Аның кушуы буенча шәһәр бистәләренә даими рәвештә йорт хайваннарын вакцинацияләү һәм стерильләштерү буенча бушлай мобиль пункты чыга, ә паркларда приюттан этләрнең кинологлар һәм зоопсихологлар лекцияләре белән күргәзмәләре планлаштырылган.