Казанда Мөхәммәд Садрига мемориаль такта урнаштырачаклар

ТР Министрлар Кабинетында тиешле карар имзаланды.

(Казан шәһәре KZN.RU, 25-нче гыйнвар). Казанда шагыйрь Мөхәммәд Садретдиновка (Мөхәммәд Садри) мемориаль такта куелачак. Бу хакта бүген ТР Министрлар Кабинетында узган брифингта ТР Яшьләр эшләре һәм спорт министры Владимир Леонов хәбәр итте.

Мемориаль такта Себер тракты урамының 9/5 номерлы йорт фасадында барлыкка киләчәк - нәкъ менә шушы бинада шагыйрь, Татарстан АССР атказанган мәдәният хезмәткәре, РСФСР атказанган мәдәният хезмәткәре, Бөек Ватан сугышы ветераны Мөхәммәд Садретдинов яшәгән.

Истәлек тактасында түбәндәге эчтәлектәге рус һәм татар телләрендә текст булачак: "Бу йортта 1954-1999 елларда күренекле татар шагыйре, РСФСР атказанган мәдәният хезмәткәре Мөхәммәт Садри (Садретдинов Мөхәммәт Хәбибулла улы) яшәде".

Шулай ук укыгыз

Барлык яңалыклар