ДЧ-2018 матчларын Казанда 168 мең тамашачы караган

Россиянең уеннар үткән барлык шәһәрләрендә барлыгы 1,8 миллион кеше булган.

(Казан шәһәре KZN.RU, 28-нче июнь). Казанда ДЧ-2018 дүрт матчын 168 мең 705 тамашачы караган. Кичә “Казан Аренада” үткән Көньяк Корея белән Алмания командалары арасындагы матчта 41 мең 835 тамашачы булган.

Элеккечә “тамашачылар рекорды” куйган матч булып 24 июньдә үткән Польша-Колумбия матчы санала – аны 42 мең 873 тамашачы караган. Моннан кала, 42 мең 718 тамашачы Иран-Испания матчында булган һәм 41 мең 279 тамашачы Франция-Австралия уенын караган.

“ТурСтат” аналитика агентлыгы мәгълүматлары буенча, Россия шәһәрләрендә үткән ДЧ уеннарында барлыгы 1,8 миллион кеше булган. Мәскәү, Санкт-Петербург, Сочи, Ростов-на-Дону, Түбән Новгород һәм Казан шәһәрләре ДЧ-2018 матчларында тамашачылар саны ягыннан лидерлар булып торалар.

Шулай ук укыгыз

Барлык яңалыклар