Марафончы Юрий Корнеев Салават Күперендә йөгерү дәресләре үткәрәчәк

Торак район паркында иң якын арадагы күнегүләр 20 нче сентябрьгә планлаштырылган

Фото: Киров һәм Мәскәү районнары администрациясе

(Казан шәһәре KZN.RU, 14 нче сентябрь). Салават Күпере торак районы паркында сентябрь аенда йөгерү күнекмәләре оештырыла. Аларны тренер, марафончы һәм «тимер дистанция»не яулаучы Юрий Корнеев үткәрәчәк.

Шәһәрлеләрне җылыну, йөгерү һәм функциональ күнегүләр көтә.

20, 25 һәм 28 нче сентябрьдә күнегүләр 19:00 сәгатьтә, ә 23 нче сентябрьдә 9:00 сәгатьтә башланачак. Җыелу урыны – амфитеатр, дип хәбәр ителә җәмәгать киңлегенең Telegram-каналында.

Паркның йөгерү җәмгыятенә кушылырга теләгән һәркем чатка өстәлә ала.

Шулай ук укыгыз

Барлык яңалыклар