Сәламәтлек мөмкинлекләре чикләнгән балаларның әниләре «Игелекле Казан»да табиблар белән бушлай киңәшләшә алачак

Консультациягә +7 (843)558-74-18 кайнар линия телефоны буенча язылырга мөмкин.

Фото: Денис Гордийко

(Казан шәһәре KZN.RU, 26 нчы апрель). Бу атнада «Игелекле Казан» автоном коммерцияле булмаган оешмасында сәламәтлек мөмкинлекләре чикле балаларны тәрбияләүче әниләрне табиблар бушлай кабул итәчәк. Консультациягә кайнар линия телефоны буенча язылырга мөмкин: +7 (843)558-74-18.

Кирәкле белгечләр әниләр арасында уздырылган сораштыру нәтиҗәләреннән чыгып сайланган. Тулы күләмдә ярдәм күрсәтү өчен кирәкле тикшерүләр һәм киләсе дәвалау билгеләнә.

Моңа кадәр «Игелекле Казан»да шундый кабул итү узган иде инде. Мәсәлән, пациентларга авыруларның кискенләшүен булдырмас өчен нинди яшәү рәвешен саклау яхшырак булуы турында киңәшләр бирелде.

«Невролог кабул итүе өчен бик зур рәхмәт. Искиткеч табиб, алтын куллы һәм зур йөрәкле. Бик яхшы консультация һәм дәвалау буенча киңәшләр алдым. Белгечнең кабул итүен оештыруда катнашы булган һәркемгә рәхмәт белдерәм», – дип уртаклашты тәрбияләнүчеләрнең берсе.

Проект Президент грантлары фонды ярдәме белән гамәлгә ашырыла. Табибларны кабул итү Сеченов урамы, 5 адресы буенча уза, дип хәбәр итә «Игелекле Казан» матбугат хезмәте.

Шулай ук укыгыз

Барлык яңалыклар