Казан мэры кубогына чаңгы ярышлары Үзәк стадионда узачак

Ярышларда катнашырга теләүчеләр 20 декабрьгә кадәр теркәлә ала

Иң көчле чаңгычылар якшәмбе көнне, 22 декабрьдә, Үзәк стадионда Казан мэры кубогы иясе булу хокукы өчен ярышларда очрашачак. TOP SPRINT чаңгы узышлары программасы төрле дистанцияләргә хатын-кызлар һәм ир-атлар узышларын, шулай ук мактаулы кунаклар өчен ярышларны үз эченә ала.

Чаңгы узышларында Татарстаннан һәм илнең башка төбәкләреннән 17 яшьтән өлкәнрәк спортчыларны көтәләр. Танылган спортчылар арасыннан халыкара класслы спорт мастеры Анастасия Доценко, триатлон буенча Европа чемпионы Светлана Соколова, шулай ук 10 спорт мастеры һәм тугыз кандидаты катнашачак. Җиңүчеләрне кубоклар, медальләр, грамоталар һәм акчалата призлар белән бүләкләячәкләр, дип хәбәр иттеләр физик культура һәм спорт комитетында.

Ярышларда катнашуга тиешле әзерлек узучыларны чакыралар. Үзең белән шәхесне раслаучы документ, табиб мөһере белән таныкланган белешмә («Чаңгы ярышлары буенча дәресләрдә катншырга мөмкин» дигән мәҗбүри фраза белән), шулай ук спорт иминият полисы алырга кирәк.

Моннан тыш, алдан теркәлү кирәк. Гаризаны 20 декабрь 18:00 гә кадәр түбәндәге сылтама буенча бирергә мөмкин.

22 декабрьдә Ташаяк урамы, 2а адресы буенча Үзәк стадионда TOP SPRINT кубогына чаңгы ярышлары узачак. Катнашучылар җыелма командасы – 11:45 тә.

Ярышларны Казан башкарма комитетының физик культура һәм спорт комитеты һәм «ФСО Снежный барс» өстәмә һөнәри белем бирү оешмасы оештыра.