Чаңгыда шуу һәм Скандинавия йөреше: Казанда «Йорт янындагы спорт» проекты кысаларында саф һавада кышкы күнекмәләр башлана

Чараларда катнашу өчен алдан теркәлергә кирәк

Денис Гордийко фотосы

Казанда «Йорт янындагы спорт» шәһәр проектының кышкы сезоны башлана. Хәзер шәһәрлеләр саф һавада ел әйләнәсе күнегүләр ясый, ишегалларында һәм башка урыннарда сәламәтлекләрен ныгыта алачак.

Әйтик, иртәгә, 12 февральдә, «Үзәк» стадион манежында функциональ күнекмәләр оештырыла. Ул 8:00 сәгатьтә башлана. Шул ук көнне 18:30 сәгатьтә шәһәр халкына Горки-Әмәт урманында чаңгыда шуарга тәкъдим итәләр.

Җомга көнне, 13 февральдә, «Ракета» спорт комплексы шугалагында тимераякта шуу остаханәсе үткәрелә. Чара 10:00 сәгатьтә башлана. «Калейдоскоп» паркы шугалагында 18:00 сәгатьтә шулай ук тимераякта шуарга мөмкин булачак. 20:00 сәгатьтә «Салават күпере» торак комплексында көч кулланып ясала торган күнекмәләргә өйрәтәчәкләр.

Шимбә көнне, 14 февральдә, шулай ук берничә спорт чарасы оештырыла. 8:00 сәгатьтә «Үзәк» стадион манежында йөгерү дәресе уздырыла, 9:00 сәгатьтә «Крылья Советов» паркында Скандинавия йөреше дәресе көтелә. 12:00 сәгатьтә «Яз» торак комплексында шәһәр халкын актив зарядка ясарга чакыралар.

Якшәмбе, 15 февраль көнне, Ветеринария академиясе территориясендә чаңгыда шуу күнекмәләренә өйрәтәчәкләр. Кышкы чара 11:00 сәгатьтә башлана. Сәгать 12:00 дә Мирный бистәсендәге чаңгы-биатлон комплексында шулай ук чаңгыда шуарга мөмкин булачак. Шул ук вакытта Кабан күле буенда физик дәвалау күнекмәләре һәм цигун гимнастикасы уздырыла.

Киләсе сишәмбе, 17 февральдә, казанлыларны 8:00 сәгатьтә «Үзәк» стадион манежына функциональ тренировкага чакыралар 10:00 сәгатьтә «Калейдоскоп» паркында Скандинавия йөреше буенча дәрес көтелә. Горки-Әмәт урманында 18:30 сәгатьтә чаңгыда шуып булачак.

Чәршәмбе, 18 февраль көнне, шәһәр халкын Урицкий исемендәге паркка Скандинавия йөреше остаханәсенә чакыралар. Чара 9:00 сәгатьтә башлана.

Пәнҗешәмбе, 19 февральдә, Горки-Әмәт урманында чаңгыда шуу дәресе үткәрелә. Шәһәрлеләрне 18:30 сәгатьтә көтәләр.

Якшәмбе көнне, 22 февральдә, 10:00 сәгатьтә «Яз» торак комплексында йөгерү белән шөгыльләнергә була. 12:00 сәгатьтә Мирный бистәсендәге чаңгы-биатлон комплексында чаңгыда шуу күнекмәләренә өйрәтәчәкләр. Шул ук вакытта Кабан күле буенда физик дәвалау күнекмәләре һәм цигун гимнастикасы үткәрелә.

Физик тәрбия һәм спорт комитеты хәбәр иткәнчә, расписаниедә үзгәрешләр булырга мөмкин. «Йорт янындагы спорт» телеграм-каналында үткәреләсе чаралар хакында тулырак мәгълүмат алырга һәм үзең теләгән күнегүләргә язылырга була.

Алдарак өч ай дәвамында – июньнән августка кадәр – «Йорт янындагы спорт» шәһәр проектында 12 меңнән артык кеше катнашуы турында хәбәр ителгән иде. Гомумән алганда, 45 ноктада 550 спорт күнекмәсе үткәрелгән.

Шулай ук укыгыз

Барлык яңалыклар