Татарстанның иң яхшы дәүләт автоинспекторы казанлы Илшат Әхмәтов булды

Жюри 15 финалистның юл йөрү кагыйдәләрен белү дәрәҗәсен, медицина һәм физик әзерлекләрен һәм башка күнекмәләрен бәяләде.

Фото: ТР буенча Эчке эшләр министрлыгы матбугат хезмәте

(Казан шәһәре KZN.RU, 1-нче октябрь). «Татарстан Республикасы буенча Эчке эшләр министрлыгының ЮХИДИ юл-патруль хезмәтенең иң яхшы хезмәткәре» конкурсында Казаннан дәүләт автоинспекторы җиңүче булды.

Бу титул өчен 15 финалист көрәште – җирле ярышларның ике этабында җиңүчеләр. Алар судьяларга юл йөрү кагыйдәләрен белү һәм ут әзерлеге дәрәҗәсен күрсәттеләр. Шулай ук «Хокук әзерлеге», «Медицина әзерлеге», «Махсус оператив-техник чаралар» , «Юл хәрәкәтен көйләү» һәм «Физик әзерлек» этапларын да уздылар. Дәүләт автоинспекторлары көрәш алымнарына ия булу дәрәҗәләрен күрсәттеләр, йөгерүдә һәм турникта тартылуда ярыштылар.

Ярышлар нәтиҗәләре буенча Татарстанның иң яхшы юл-патруль хезмәте хезмәткәре титулын Россия Эчке эшләр министрлыгының Казан буенча ЮХИДИ идарәсенең юл-патруль хезмәте полкының 3-нче батальоны инспекторы, полиция лейтенанты Илшат Әхмәтов алды. Икенче урында –2-нче батальон Казан дәүләт автоинспекторы Әлфир Галимҗанов. Өченче урынны шулай ук шәһәрнең 1-нче юл-патруль хезмәте батальоныннан Казан егете Айнур Гарипов алды. Җиңүчеләр дипломнар һәм медальләр белән бүләкләнде, дип хәбәр итә ТР буенча Эчке эшләр министрлыгының матбугат хезмәте.

Шулай ук укыгыз

Барлык яңалыклар