Җәйге Open Space Market: үсемлекләр белән алмашу, экотоварлар маркеты һәм урам фудкорты

Мәдәни-күңел ачу мәйданчыгы ике көн – 25 нче һәм 26 нчы июньдә эшләячәк.

Фото: Денис Гордийко

(Казан шәһәре KZN.RU, 20 нче июнь). 25 нче һәм 26 нчы июньдә Казанда җәйге Open Space Market узачак. Килүчеләр үсемлекләр белән алмаша, дизайнер әйберләре сатып ала һәм урам фудкортында гадәти булмаган ризыкларны татып карый алачак.

Маркетта кием-салым, аяк киеме, аксессуарлар, бизәнү әйберләре, интерьер әйберләре, уенчыклар, бөтен ил дизайнерлары һәм һөнәрчеләреннән табигый косметика һәм экотоварлар тәкъдим ителәчәк.

Үсемлекләр маркеты мәйданчыкта яңа локация булачак, аның эчендә үсемлекләр белән алмаша алачаклар. Һәркем чәчәк алып килә һәм аны өстәлдәге башка чәчәккә алыштыра алачак.

Open Space Market чарасында бәйрәм атмосферасын диджейлар тудырачак, алар үзләренең музыкаль сетларын күрсәтәчәкләр. Яңа белем һәм күнекмәләр алырга теләүчеләр маркетта лекцияләр тыңлый һәм мастер-классларда катнаша алачак.

Мәдәни-күңел ачу мәйданчыгы 11:00 дән 20:00 гә кадәр Казан ипподромы территориясендә (Патрис Лумумба ур., 47а, 1 корпус) эшләячәк. 7 яшькә кадәрге балаларга һәм пенсионерларга керү бушлай, дип хәбәр итәләр оештыручылар.

Шулай ук укыгыз

Барлык яңалыклар