Психология буенча лекцияләр һәм XX гасыр фильмнарын күрсәтү: ТРның Милли китапханәсендә бушлай чаралар сериясе узачак

Катнашу өчен теркәлү узарга кирәк

ТР Милли китапханәсендә бу атнада бушлай чаралар сериясе оештырыла. Шәһәрлеләр, теркәлү узып, психология буенча лекцияләргә һәм Бөек Ватан сугышы вакытында СССР кинотеатрларында күрсәтелгән фильмнар күрсәтүгә кушыла алачак.

Иртәгә 18:00 сәгатьтә «Переживание детьми стрессовых ситуаций» дигән интерактив лекция узачак. КФУ Психология һәм мәгариф институтының клиник психология һәм шәхес психологиясе кафедрасы доценты Инна Кротова спикер булачак.

19 июнь көнне 15:00 сәгатьтә шәһәр халкы өчен «Не день Бекхэма: психология победителя» дигән лекция оештырыла. Анда спорт психологиясенең профессиональ спортчыларга да, һәвәскәрләргә дә кулланырга мөмкин булган төп аспектлары каралачак.

Якшәмбе көнне 12:00 сәгатьтә шәһәр халкы «Секретарь райкома» фильмын, ә 14:00 сәгатьтә «Веселые ребята» картинасын карый алачак. Күрсәтүләрдән соң фикер алышу оештыралар, дип хәбәр иттеләр ТР Милли китапханәсе матбугат хезмәтендә.

Бушлай чаралар сериясе 18:00 сәгатьтә КФУ Фундаменталь медицина һәм биология институтының психиатрия, клиник психология һәм медицина генетикасы курслары белән неврология кафедрасы доценты Александр Границаның «От интуиции к доказательной медицине: лечение в психиатрии» лекциясе белән тәмамланачак. Спикер психик тайпылышларны ничек дәвалаулары, дәвалау билгеләгәндә психиатрларның нәрсәгә таянуы, терапиягә киңәшләрнең ничек формалашуы һәм башкалар белән уртаклашачак.

Шулай ук укыгыз

Барлык яңалыклар