«Космик» чәк-чәк Казан музее экспонаты булды

Милли ризыкны үзмәшгуль кондитер Алинә Шәйхетдинова әзерләгән.

(Казан шәһәре KZN.RU, 17-нче сентябрь). Казанның чәк-чәк музеенда яңа гадәти булмаган экспонат – космоста булган чәк-чәк пәйда булды.

Стратосферага очарга һәм чәк-чәкне кире кайтырга махсус очу аппараты ярдәм иткән, анда GPS-трекер һәм температура датчигы куелган. 30 км биеклеккә ирешеп, милли ризык уңышлы гына җиргә төште.

Чәк-чәкне галәмгә җибәрү идеясе Татарстан эшкуарларына килгән, аны үзмәшгуль кондитер Алинә Шәйхетдинова әзерләгән.

«Космик» чәк-чәк инде музейга тапшырылган – ул аның экспонатлары арасында мактаулы урын алып тора, дип хәбәр ителә музейның рәсми аккаунтында.

Шулай ук укыгыз

Барлык яңалыклар