Казанда Мэр кушуы буенча веломаршрутларны үстерү концепциясен эшлиләр

Казанда Мэр кушуы буенча веломаршрутларны үстерү концепциясен эшлиләр

<p> </p> <div class="detail-picture"> <img src="https://kzn.ru/upload/iblock/4c8/4c861e2d9a6788a89978cc09a5b9bff7.jpg"> <p class="detail-picture__caption"> Фото: Денис Гордийко </p> </div> <p> (Казан шәһәре KZN.RU, 11 нче октябрь). Казанда Мэр Илсур Метшин кушуы буенча веломаршрутларны үстерү концепциясен эшлиләр. Моңа Шәһәрне үстерү институты белгечләре җәлеп ителде. </p> <p> Эш этаплап алып барыла. Беренче адым «Диалоглар» язгы архитектура-шәһәр төзелеше конференциясендә Россия шәһәрләрендә велоинфраструктура төзү тәҗрибәсе турында фикер алышу булды. Чакырылган экспертлар юлларның уңайлы һәм бәйләнешле челтәрен ничек булдыру турында сөйләделәр, ТР башкаласында яңа веломаршрутлар булдыру мөмкинлеге турында фикерләре белән уртаклаштылар. Спикерлар һәм катнашучылар тәкъдимнәрне шәһәр картасында теркәгәннәр – хәзер аның белән Шәһәрне үстерү институты хезмәткәрләре эшли. </p> <p> Хәзер белгечләр натур тикшеренүләр белән шөгыльләнәләр – район администрацияләре вәкилләре белән бергә алар маршрутлар буенча йөрделәр һәм бердәм велосипед юллары челтәре булдырырга мөмкин булган участокларны билгеләделәр. </p> <p> Киләсе этапта концепцияне Казанның велохәрәкәт вәкилләре белән фикер алышу һәм эшләнгән проект буенча кире элемтә җыю булачак. Бу хакта Шәһәрне үстерү институтында хәбәр иттеләр. </p>

2023-10-11T10:45:00+0300