«Татарстан Республикасында елның иң яхшы территориаль иҗтимагый үзидарәсе» бәйгесе республикада старт ала

Муниципаль этапка гаризалар 20-нче гыйнвардан 2-нче февральгә кадәр кабул ителә.

Фото: Марат Мугинов

(Казан шәһәре KZN.RU, 14-нче гыйнвар). Татарстанда «Татарстан Республикасының иң яхшы территориаль иҗтимагый үзидарәсе» конкурсы старт ала. Конкурс ике этапта уза – муниципаль һәм республика этаплары. Аның төп максатлары булып территориаль иҗтимагый үзидарәләр эшчәнлегенең нәтиҗәлелеген арттыру, шулай ук җирле әһәмияттәге мәсьәләләрне хәл итү буенча халыкның эшлекле һәм социаль активлыгын үстерү һәм стимуллаштыру тора.

Конкурсның муниципаль этабына гаризалар 20-нче гыйнвардан 2-нче февральгә кадәр Казан районнары администрацияләрендә 9.00 сәгатьтән 18.00 сәгатькә кадәр кабул ителә (12.00 сәгатьтән 13.00 сәгатькә кадәр тәнәфес).

Гаризалар түбәндәге адреслар буенча кабул ителә:

Авиатөзелеш һәм Яңа Савин районнары администрациясе, Волгоград урамы, 32, 218 кабинет, телефон: +7(843)519-34-85;

Вахитов һәм Идел буе районнары администрациясе, Ипподром урамы, 17, 22 кабинет, телефон: +7(843)277-82-10;

Киров һәм Мәскәү районнары администрациясе, Восстание урамы, 82, 218 кабинет, телефон: +7(843)557-76-57;

Совет районы администрациясе, Шуртыгин урамы, 1, 4-02 кабинет, телефон: +7(843)272-02-05.

Шулай ук укыгыз

Барлык яңалыклар