Казанда эшмәкәрләр саны бер ел эчендә 27 меңнән артып киткән

2021 елда эшкуарлыкны үстерү өчен 162 үзмәшгуль грантлар алган.

Фото: Денис Гордийко

(Казан шәһәре KZN.RU, 25 нче гыйнвар, Ксения Швецова). Казанда кече һәм урта бизнес субъектлары саны, үзмәшгульләрне дә кертеп, 25%ка, ягъни 27,6 меңгә арткан. Узган елның 9 ае нәтиҗәләре буенча шундый мәгълүматлар, дип хәбәр итте Казан Мэры Илсур Метшинга хисап барышында Башкарма комитет җитәкчесе урынбасары Илдар Шакиров.

Иң зур үсеш үзмәшгульләр арасында күзәтелә – аларның саны 30,8 мең кешегә арткан – 27 меңнән 57,8 меңгә кадәр. Кече һәм микропредприятиеләр саны 41,6 меңнән 41,8 меңгә, урта предприятиеләр саны 191 меңнән 204 меңгә кадәр арткан, бу юридик затларның бердәм дәүләт реестрында бар. Шул ук вакытта шәхси эшмәкәрләр саны 37,2 меңнән 33,5 меңгә кадәр кимегән. И.Шакиров сүзләренә караганда, аларның шактый өлеше яңа салым режимына күчкән һәм үзмәшгульлек статусы алган.

«Узган елдан башлап үзмәшгульләрне кече һәм урта бизнес субъектларына тиңләштерделәр, шул сәбәпле алар хәзер барлык ярдәм чараларыннан файдалана ала», – дип искәртте Башкарма комитет җитәкчесе урынбасары.

Узган ел Казанның 259 үзмәшгуле республика бюджетыннан грантлар алу конкурсында катнашкан. Анда Казанның 162 үзмәшгуле җиңгән, алар үз эшләрен үстерү өчен 26 млн сумга якын акча алган. Кече һәм урта эшмәкәрлек субъектларын яклау буенча республика программаларыннан 771 эшмәкәр файдаланган, ярдәм күләме 1,1 млрд сум тәшкил иткән.

Шулай ук укыгыз

Барлык яңалыклар