Авыру балалар тәрбияләүче казанлылар түләүсез юридик ярдәм ала алачак

Шәһәрлеләрнең сорауларына профильле ведомство вәкилләре җавап бирәчәк.

Фото: Марат Мөгыйнов

(Казан шәһәре KZN.RU, 15 нче февраль). 16 нчы февральдә Татарстан башкаласында авыру балалар тәрбияләүче гаиләләргә түләүсез юридик ярдәм күрсәтү көне узачак. Төп спикер – Татарстан юстиция министрының беренче урынбасары Айнур Галимов.

Очрашу 16:00 сәгатьтә «Роналд Макдоналд йорты» гаилә кунакханәсендә узачак. Әңгәмә барышында пенсия һәм инвалидлык алу, белем алу белән бәйле булган күптөрле проблемалар каралачак. ТР Юстиция министрлыгының матбугат хезмәтендә билгеләп үтелгәнчә, барлык мәсьәләләр дә аерым контрольгә алыначак, киләчәктә аларны хәл итү буенча эш башкарылачак.

Чарада Россия Пенсия фондының ТР буенча бүлеге, Социаль иминият фондының төбәк бүлеге, Суд приставлары федераль хезмәтенең ТР буенча идарәсе, ТР буенча Медик-социаль экспертиза баш бюросы, ТР Прокуратурасы, ТР Хезмәт, мәшгульлек һәм социаль яклау министрлыгы, ТР Мәгариф һәм фән министрлыгы, ТР Сәламәтлек саклау министрлыгы, Татарстан Республикасында Бала хокуклары буенча вәкаләтле вәкил Аппараты, Татарстанның Адвокатлар һәм Нотариаль палаталары вәкилләре катнашачак.

Шулай ук укыгыз

Барлык яңалыклар