Казанлылар «УРАМ» экстрим-паркы янында эшкәртүгә икенчел чимал тапшыра алачак

Казанлылар «УРАМ» экстрим-паркы янында эшкәртүгә икенчел чимал тапшыра алачак

<p> Миллениум күпере астындагы парковкада 25 августта икенчел чимал кабул итү мобиль пункты эшләячәк. Мәйданчыкта фримаркет зонасы оештыралар. </p> <p> «ЭкоЛогично» проекты волонтерлары эшкәртүгә пластик, металл, техника, фольга, макулатура һәм икенчел чималның башка төрләрен алачак. Өстәмә рәвештә очрашуда ватылган керамика, хушбуйлардан һәм капкачлы дарулардан пыяла банкалар, теләсә-нинди төстәге һәм сыйфатлы капрон колготкилар алачаклар. Соңгысын бау ясау өчен Рус-Алман Швейцариясендә кулланалар. Тулы исемлек белән <a target="_blank" href="https://t.me/ecologickzn">сылтама</a> буенча кереп танышырга мөмкин. </p> <p> Бу көнне яхшы хәлдәге кием-салым һәм аяк киемнәр, чүпрәк-чапрак, су фильтрлары, пластик уенчыклар, органика, видео-һәм аудиокассеталар, батареялар, лампалар, градусниклар һәм дарулар тапшырырга ярамый. </p> <p> Теләге булган һәркем фримаркетта китаплар, канцелярия товарлары, савыт-саба, вазалар һәм башка әйберләр белән алмаша алачак. </p> <p> Шәһәрлеләрне 10:00 дән 12:00 гә кадәр Миллениум күпере астындагы парковканың дүртенче пролетында көтәчәкләр. </p> <p> Оештыручылар икенчел чимал кабул итү мобиль пунктының айның һәр соңгы якшәмбесендә эшләячәген искәрттеләр. </p>

2024-08-20T14:56:00+0300