Яңалыклар
02.11.2021, 14:44
Казанлылар онлайн халык санын алуда 14 ноябрьгә кадәр катнаша алачак
Росстат мәгълүматлары буенча, массакүләм сораштыруда ил халкының яртысыннан артыгы катнашкан.
Фото: Марат Мугинов
(Казан шәһәре KZN.RU, 2-нче ноябрь). Онлайн-халык санын алу бер атнага озайтылды. Дәүләт хезмәтләре порталы аша бөтенроссия анкеталаштыруында 14-нче ноябрьгә кадәр катнашырга мөмкин булачак. Росстат белгечләре шундый тәкъдим белән чыгыш ясады һәм РФ Хөкүмәте рәисенең беренче урынбасары Андрей Белоусовтан хуплау алды.
Бөтенроссия халык санын алуның рәсми сайтында хәбәр ителгәнчә, онлайн-анкеталаштыру бик популярлык казана. Бу вариантны җанисәптә катнашучы һәр дүртенче кеше сайлый.
Росстат мәгълүматларына караганда, октябрь азагына халык санын алуны ил халкының яртысыннан артыгы узган.
Исегезгә төшерәбез, онлайн процедураны элегрәк 8-нче ноябрьгә кадәр узарга мөмкин иде. Моннан тыш, массакүләм сораштыруда катнашуның ике төп ысулы бар: исәп алучыны өйдә көтеп алу яки якындагы стационар исәп алу участогына бару. Казанда Бөтенроссия халык санын алуның ничек узуы турында тулырак мәгълүматны KZN.RU порталы материалында укыгыз.
Шулай ук укыгыз
-
30.04.2025, 15:45 -
30.04.2025, 14:03 -
30.04.2025, 09:14 -
29.04.2025, 17:56
