Казанлылар бухгалтерлык исәбен оптимальләштерү темасына багышланган бөтенроссия семинарында катнаша ала

Семинарда катнашу өчен алдан теркәлергә кирәк.

(Казан шәһәре KZN.RU, 6-нчы декабрь). 19-нчы һәм 20-нче февральдә Мәскәүдә «Дәүләт учреждениеләренең үзәкләштерелгән бухгалтериягә күчүе: бухгалтерлык исәбен оптимальләштерү системасы» дигән темага бөтенроссия гамәли семинары узачак. Анда төбәк башкарма хакимият органнары һәм җирле үзидарә органнары җитәкчеләре, бюджет учреждениеләренең бухгалтерлык, икътисад һәм финанс хезмәтләре җитәкчеләре һәм белгечләре, шулай ук барлык теләүчеләр катнаша ала.

Семинарда үзәкләштерелгән бухгалтерияләр эшчәнлеген законнар белән җайга салу үзгәрешләренә, бухгалтерлык исәбен үзәкләштерүнең принципиаль өстенлекләренә аерым игътибар биреләчәк. Экспертлар үзәкләштерелгән бухгалтерияләрнең оешмалар белән хезмәттәшлегенең яңартылган тәртибен караячак. Фикер алышу барышында 2020 елда бухгалтерлык исәбенә карата федераль стандартларны гамәлгә ашыру мәсьәләләрен җентекләп тикшерү, учреждениеләрнең оештыру һәм финанс-хуҗалык эшчәнлегенең мөһим аспектларын анализлау планлаштырыла.

Семинарның җитәкчесе - икътисад фәннәре докторы, профессор, академия халыкара институтының бухгалтер исәбе, анализ һәм аудит кафедрасы мөдире Флүзә Белоконева.

Семинарда катнашу өчен +7 (495) 223-70-80 (өстәмә 710), +7 (965) 186-79-45 яки musienko@seminar-inform.ru электрон почтасы аша теркәлергә һәм түләү теркәү кертемен кертергә кирәк.

Семинар 19-нчы февральдә 10.00 сәгатьтә «Космос» кунакханә комплексының конгресс-үзәгендә башлана, дип хәбәр итә Икътисад, идарә һәм социаль мөнәсәбәтләр институты.

Шулай ук укыгыз

Барлык яңалыклар