Казанлылар Федор Достоевский юбилее уңаеннан «Укы-уйна» бөтенроссия квестында катнаша ала

Җиңүче шәһәр бүләк сыйфатында мобиль китапханә алачак.

Фото: Денис Гордийко

(Казан шәһәре KZN.RU, 20-нче октябрь). Бөек рус классигы Федор Достоевский тууына 200 ел тулу уңаеннан 1-нче ноябрьдән 11-нче ноябрьгә кадәр «Укы-уйна» бөтенроссия квесты узачак, анда Казан халкы да катнаша ала. Квестта призлы урыннарны яулаган катнашучылар бүләкләр алачак, ә җиңүче шәһәргә бүләк сыйфатында мобиль китапханә киләчәк.

Квиз элементлары белән квест онлайн һәм офлайн форматта узачак. Уенчылар шәһәр мохите, китап кибетләре һәм китапханәләре белән актив хезмәттәшлек итәчәк. Онлайн форматта илнең барлык халкы да уйный алачак. Ә Россиянең 12 – Казан, Мәскәү, Санкт-Петербург, Төмән, Саратов, Самара, Красноярск, Пермь, Ростов-на-Дону, Ярославль, Екатеринбург, Воронеж шәһәрендә яшәүче халык шәһәр локацияләрендә, китап кибетләрендә һәм китапханәләрендә мини-кушымталардан биремнәр үтәячәк.

1-нче ноябрь көнне социаль челтәрләрдә уен өчен махсус эшләнгән мини-кушымтага сылтама белән пост барлыкка киләчәк. Биремнәрне үтәүгә керешү өчен аны ачарга һәм күрсәтмәләрне үтәргә кирәк.

11-нче ноябрьгә кадәр барлык биремнәрне уңышлы үтәгән беренче 500 катнашучыны призлар көтә: китап алу өчен бүләк карталары, китаплар җыелмасы, футболкалар һәм башкалар.

12 шәһәрдә яшәүчеләр суперприз – Россиядә һәм БДБ илләрендә электрон һәм аудиоктапларның иң эре сервисларыннан берсе булган мобиль китапханә өчен көрәшәчәк. Аны кушымтада халкы иң күп балл җыйган шәһәр алачак, дип хәбәр итә «Татмедиа» агентлыгы.

Шулай ук укыгыз

Барлык яңалыклар