Казанны Бресттан Владивостокка кадәр гомумроссия тәре йөреше маршрутына керттеләр

ТР башкаласына Годеново изге әйберләрен 10 нчы октябрьдә алып киләчәкләр

Фото: Денис Гордийко

(Казан шәһәре KZN.RU, 7 нче сентябрь). Казанга 10 нчы октябрьдә изге Годеново әйберләрен алып киләчәкләр. Мәскәү һәм бөтен Русь Патриархы Кирилл фатихасы белән православие миссионерлык җәмгыяте Годеново авылы янында Тәре пәйда булуның 600 еллыгына багышланган Гомумроссия тәре йөреше оештыра.

Татарстан митрополиясендә хәбәр итүләренчә, тәре йөреше барышында оештыручылар епархияләр һәм төбәкләр администрациясе белән берлектә җәмгыятьтә традицион рухи-әхлакый кыйммәтләрне ныгытуга юнәлдерелгән чаралар, мәдәни-агарту вакыйгалары үткәрергә планлаштыралар. Танылган миссионерлар һәм мәдәният эшлеклеләре белән очрашулар булачак, православие тематикасына караган нәфис һәм документаль фильмнар күрсәтеләчәк.

Изгеләштерелгән Годеново әйберләрен Россиянең һәм Белоруссиянең 27 шәһәре аша, төньяктан көньякка һәм көнбатыштан көнчыгышка алып барачаклар. Шулай итеп, тәре йөрешендә катнашучылар Мурманскидан Севастопольгә һәм Бресттан Владивостокка кадәр маршрут узачак.

Тәре йөреше ике айдан артык дәвам итәчәк: 2 нче сентябрьдән 4 нче ноябрьгә кадәр.

Шулай ук укыгыз

Барлык яңалыклар