Казанлылар экологик онлайн-квестта катнаша ала

Казанлылар экологик онлайн-квестта катнаша ала

<p> <img width="800" src="https://www.kzn.ru/upload/iblock/02e/IMG_20160619_145009.jpg" height="600"><br> </p> <p> (Казан шәһәре KZN.RU, 12-нче март). 13-нче апрельдән 15-нче майга кадәр Татарстанда экологик квест форматында онлайн-уен узачак. Анда катнашучылар ай дәвамында республиканың табигый мирасын саклауга һәм экологик культураны үстерүгә юнәлтелгән төрле иҗади һәм гамәли биремнәр алачак. </p> <p> Оештыручылар квестның маршрут картасын төзиячәк, уенчылар акрынлап аның буенча хәрәкәт итеп, әйләнә-тирә дөнья экологиясенә үз өлешләрен кертәчәкләр. </p> <p> Квестка мәктәп, югары һәм урта махсус уку йортларының 14 яшьтән олырак укучылары һәм студентлары командалары кушыла ала. Һәр командада 6-8 кеше булырга тиеш. </p> <p> Катнашучыларны <a href="http://eco.tatarstan.ru/rus/index.htm/news/1703225.htm" target="_blank">QR-код буенча</a> теркәү 23-нче мартта башлана һәм 10-нчы апрельгә кадәр дәвам итәчәк, дип хәбәр итә ТР Экология һәм табигый ресурслар министрлыгының матбугат хезмәте. </p>

2020-03-12T09:25:58+0300