Казанлылар 5-6 сентябрь көннәрендә эшкәртүгә техника тапшыра алачак

Акциядә катнашу өчен гариза калдырырга кирәк

5 сентябрьдән 6 сентябрьгә кадәр Казан халкы «Утильләштерү мәктәбе: электроника» программасы буенча техниканы эшкәртүгә тапшыра алачак. Акциягә розеткага кертелә торган яки аккумуляторларда эшли торган теләсә-нинди җиһаз, шулай ук картриджлар кабул ителәчәк (алар тапшырыла торган техника күләменең 10% ыннан артмаска тиеш).

Бу көннәрдә батареяларны, лампаларны һәм радиация билгесе белән тамгаланган башка җиһазларны тапшырып булмаячак.

Акциядә катнашу өчен программаның сайтында гариза калдырырга кирәк.

Проект Татарстанда ТР Экология һәм табигый байлыклар министрлыгы һәм табигатьтән рациональ файдалану фонды килешүе кысаларында гамәлгә ашырыла. Программа халыкка техниканы экологик һәм уңайлы итеп эшкәртүгә тапшырырга мөмкинлек бирә һәм экологик тәрбия һәм халыкның әйләнә-тирә мохиткә сакчыл мөнәсәбәтен үстерүгә ярдәм итә, дип хәбәр иттеләр Республика экология министрлыгы матбугат хезмәтендә.

Шулай ук укыгыз

Барлык яңалыклар