Казанлылар профилактик акциядә кандагы глюкоза һәм холестерин дәрәҗәсен үлчи алачак

Казанлылар профилактик акциядә кандагы глюкоза һәм холестерин дәрәҗәсен үлчи алачак

<div class="detail-picture"> <img src="https://kzn.ru/upload/iblock/94a/94a1adc15fa326fe1dc53672e2c6319a.jpg"> <p class="detail-picture__caption"> Фото: Марат Мөгыйнов </p> </div> <br> (Казан шәһәре KZN.RU, 19 нчы май). Татарстан башкаласында Бөтендөнья артериаль гипертониягә каршы көрәш көненә багышланган профилактик акция узачак, дип хәбәр итә республика Сәламәтлек саклау министрлыгының матбугат хезмәте.<br> Акция вакытында кан басымын үлчәргә, кандагы глюкоза һәм холестеринны билгеләү өчен экспресс-анализлар, биоимпедансометрия (үзең белән паспорт, полис һәм СНИЛС булырга тиеш) тапшырырга, шулай ук аяклардагы кан тамырларына УЗИ тикшерүе үтәргә һәм аннан соң табиб-флеболог консультациясен алырга мөмкин булачак.<br> <br> Моннан тыш, теләүчеләргә Республика җәмәгать сәламәтлеге һәм медицина профилактикасы үзәге табиблары консультация бирәчәк. Алар хроник йогышлы булмаган авыруларны профилактикалау, сәламәт туклану һәм зарарлы гадәтләрдән баш тарту турында сөйләячәкләр.<br> <br> Казан дәүләт медицина университеты волонтерлары халык өчен квестлар үткәрәчәк һәм йөрәк-кан тамырлары авыруларын профилактикалау буенча мәгълүмати әдәбият таратачак.<br> <br> Акция 20 нче майда 12:00 сәгатьтән 16:00 сәгатькә кадәр Җиңү Проспекты, 141 адресы буенча узачак.<br>

2023-05-19T17:17:09+0300