Казанлылар гаилә мәсьәләләре буенча юристтан бушлай консультация ала алачак

Белгеч аерылышу, милекне бүлү, гаилә контракты, балалар һәм алиментлар турындагы бәхәсләр буенча сорауларга җавап бирәчәк.

Фото: Денис Гордийко

(Казан шәһәре KZN.RU, 11-нче декабрь). 18-нче декабрьдә Казанда «Игелекле эшләр көне» хәйрия фонды оештырган гаилә мәсьәләләре сораулары буенча юристның бушлай кабул итүе узачак. Сорауларга Татарстан Республикасы буенча бала хокуклары буенча вәкаләтле вәкилнең җәмәгать ярдәмчесе Наталья Веретенникова җавап бирәчәк.

Түләүсез консультация 10.00-дән 12.00 сәгатькә кадәр Калинин урамы, 3 («Яхшы куллар» хәйрия склады) адресы буенча узачак. Белгеч аерылышу, милекне бүлешү, никах контракты, балалар һәм алимент турында бәхәсләр, аталыкны билгеләү һәм башкалар белән бәйле сорауларга җавап бирәчәк.

Юристка язылу өчен, алдан ук түбәндәге телефон буенча шалтыратырга кирәк: +7(843)236-65-61, дип хәбәр итә «Игелекле эшләр көне» хәйрия фонды матбугат хезмәте.

Фондка килгәндә битлектән булу мәҗбүри.

Шулай ук укыгыз

Барлык яңалыклар