Казанлылар ярты тонна икенчел чималны эшкәртүгә тапшырдылар

Экологик акциядә 357 кеше катнашты.

(Казан шәһәре KZN.RU, 2-нче декабрь). 30-нчы ноябрьдә шәһәрнең Әмирхан проспекты буенча урнашкан сәүдә үзәге территориясендә эшләгән күчмә пунктка ярты тонна икенчел чималны эшкәртүгә тапшырдылар. Мобиль пунктка 357 кеше килде, 25 волонтер икенчел чималны кабул итүдә ярдәм итте.

Эшкәртүгә 572 кг икенчел чимал озатылды: 51 кг каты пластик; 142 кг йомшак пластик, шул исәптән дойпак, трубочкалар; 291 кг макулатура; 25 кг тетрапак; 20 кг металл, 17 кг пластик уенчыклар; 20 кг компакт-диск һәм техника. Шулай ук мобиль пунктка «Тылсымлы капкачлар» проекты өчен 4 кг капкач тапшырдылар – җыелган акчалар «Кот и Пес» приютына тапшырылачак. 110 кг кием-салым, йомшак уенчыклар хәйрия фондларының берсенә озатылды, дип хәбәр итә оештыручылар.

Шулай ук укыгыз

Барлык яңалыклар