Казанлылар 2,2 мең килограммнан артык икенчел чималны эшкәртүгә тапшырды

Экологик акциягә 1292 кеше кушылды.

(Казан шәһәре KZN.RU, 27-нче ноябрь). Казанлылар 24-нче ноябрьдә 2,2 мең килограммнан артык икенчел чималны шәһәрнең сәүдә үзәкләренең берсендә эшләгән мобиль пунктка эшкәртүгә тапшырды. Экологик акциягә 1292 кеше кушылды.

Активистлар 2206 кг икенчел чимал, шул исәптән 449,12 кг каты пластик, 401,98 кг йомшак пластик, шул исәптән дойпак, трубочкалар; 975 кг макулатура, 223,37 кг тетрапак, 177 кг металл һәм 5,2 кг фольга, 152,84 кг «Волшебные крышечки» проекты өчен пластик шешәләрдән капкачлар (җыелган акчалар «Песи һәм эт» приютына тапшырылачак), 46,3 кг пластик уенчыклар, 95,3 кг компакт-дисклар һәм техника тапшырган. 320 кг кием һәм яхшы әйберләр «Беренче адым» хәйрия фондына юлланган, дип хәбәр итә оештыручылар.

Шулай ук укыгыз

Барлык яңалыклар