Казанлылар өй шартларында күнегүләр үткәрүдә ярышачаклар

Казанлылар өй шартларында күнегүләр үткәрүдә ярышачаклар

<p> <img width="871" src="https://www.kzn.ru/upload/iblock/aef/fitness_1622941_1920.jpg" height="653"><br> </p> <p> (Казан шәһәре KZN.RU, 8-нче апрель). Татарстанда балалар һәм яшүсмерләр арасында йорт шартларында иң яхшы физкультминут үткәрү конкурсы старт алды. Катнашучыларга смартфон камерасына йорт шартларында күнегүләр үткәрүне төшерергә һәм видеоны социаль челтәргә чыгарырга кирәк. </p> <p> Конкурс ике яшь категориясендә: 6 яшьтән 11 яшькә кадәр, шулай ук 12 яшьтән 16 яшькә кадәр үткәрелә. Тагын бер номинация - бөтен гаилә өчен физкультминут. Моннан тыш, актив спорт федерацияләрен дә бүләкләргә планлаштырыла, дип билгелиләр оештыручылар. </p> <p> Онлайн-ярыш 8-нче майга кадәр барачак. Катнашучыларга видеороликны үз профилендә яки ата-аналары профилендә (профиль ачык булырга тиеш) Instagram социаль челтәрендә урнаштырырга, Татарстанда «Балалар спорты» проекты координаторы Ольга Павлова (<a href="https://www.instagram.com/o.i.pavlova/" target="_blank">@o.i.pavlova</a>) аккаунтын видеороликта билгеләп үтәргә кирәк. Моннан тыш, катнашучылар гаризаны оештыручыларга ата-аналарның ризалыгын җибәрергә тиеш, дип хәбәр итә ТР Спорт министрлыгы матбугат хезмәте. Конкурс турында нигезләмәне һәм гариза формасын түбәндәге <a href="https://www.kzn.ru/upload/iblock/f51/POLOZHENIE-SPORTIVNYY-TATARSTAN.doc" target="_blank">сылтама буенча</a> алырга мөмкин. </p>

2020-04-08T15:16:00+0300