Казанлылар Республика кан банкын 54 литрга тулыландырган

«Чәчәк ат, игелек» акциясендә 137 кеше катнашкан

Фото: Денис Гордийко

Татарстан Сәламәтлек саклау министрлыгының Республика кан үзәгендә оештырылган «Чәчәк ат, игелек» донорлык акциясенә 137 кеше кушылган.

Катнашучылар өчен дүрт станциядән торган квест әзерләнгән. Сорауларга дөрес җавап бирүче активистларга истәлекле бүләкләр тапшырылган. Шулай ук донорлар матбугатка интервью биргәннәр.

Акция нәтиҗәләре буенча Республика кан банкы 54 литрга тулыланган. Акция Халыкара хатын-кызлар көненә багышланды, дип хәбәр иттеләр ТР Сәламәтлек саклау министрлыгының Республика кан үзәгендә.

Исегезгә төшерәбез, Яңа ел алдыннан казанлылар Республика кан банкын 58 литрга тулыландырды. Донорлык акциясенә 140 тан артык волонтер кушылды.

Шулай ук укыгыз

29.04.2025, 17:56

Татарстанда 23 м/с ка кадәр көчле җил көтелә
29.04.2025, 17:11

Сак булыгыз, талпаннар! Яз башыннан Татарстанда 864 талпан тешләве теркәлгән
29.04.2025, 16:43

Казанда Копылов урамында транспорт хәрәкәтен өлешчә чикләячәкләр
29.04.2025, 16:02

Казанга «Җиңү поезды» мемориаль составы киләчәк

Барлык яңалыклар