Казанлылар күп балалы һәм тулы булмаган гаиләләрдәге мәктәп укучыларына яңа уку елына әзерләнергә ярдәм итәчәк

Успение Зилант хатын-кызлар монастырендә мәктәп һәм спорт формасы, аяк киеме һәм канцтоварлар кабул ителә.

Фото: Казан шәһәре KZN.RU

(Казан шәһәре KZN.RU, 11-нче август). Казанда ел саен үткәрелә торган «Балаларны мәктәпкә җыябыз!» хәйрия акциясе уза. Анда катнашучылар күп балалы һәм тулы булмаган гаиләләрдәге, шулай ук сәламәтлек мөмкинлекләре чикләнгән балаларга яңа уку елына әзерләнергә булыша.

1-нче сентябрьгә аларны мәктәп һәм спорт формасы, аяк киеме, эчке кием, букча, канцелярия кирәк-яраклары белән тәэмин итәргә кирәк. Әйберләрне Архангельск тыкрыгы, 1 адресы буенча урнашкан Успение Зилант хатын-кызлар монастыре территориясендә урнашкан гуманитар складка алып килергә мөмкин. Тулырак мәгълүмат алу өчен түбәндәге телефон буенча мөрәҗәгать итәргә кирәк: +7(843)216-76-19.

Акция гаилә, аналык һәм балачакны яклау буенча «Умиление» епархиаль үзәге инициативасы буенча уздырыла, быел ул аз керемле гаиләләрдән булган 300 укучыны барлык кирәк-ярак белән тәэмин итәргә планлаштыра, шул исәптән 51 беренче сыйныф укучысын, дип хәбәр итә Татарстан митрополиясенең матбугат хезмәте.

Исегезгә төшерәбез, Казанда шундый ук акцияне ТР мөселманнары Диния нәзарәтенең «Зәкят» хәйрия фонды үткәрә. Шул ук вакытта Казан хосписында Белем көненә багышланган «Балалар – балаларга» акциясенә кушылырга һәм чәчәкләр алуда акчаны янга калдырып, дарулар, махсуслаштырылган туклану һәм медицина җиһазлары өчен чыгым материаллары сатып алырга ярдәм итәргә тәкъдим итәләр.

Шулай ук укыгыз

Барлык яңалыклар