Яңалыклар
04.10.2024, 11:40
Казанлылар Мәскәү базары реновациясенең гастроиндустриягә йогынтысы турында фикер алышачак
Бәхәс чакырылган экспертлар белән 8 нче октябрьдә узачак
Казанда 8 октябрьдә «Казанның гастроиндустриясе ничек үсә һәм яңартылган Мәскәү базары аңа ничек йогынты ясаячак» дигән бәхәс узачак. Катнашу өчен сылтама буенча теркәлергә кирәк.
Спикерлар булып Мәскәү базарын үстерү буенча директор Ольга Кукоба, мәйданчыкның арт-директоры Тәбрис Яруллин, шеф-поварлар, гастроэкспертлар һәм рестораторлар чыгыш ясаячак.
Алар Казанның гастрономия ландшафтын формалаштыручы проектлар турында сөйләячәкләр, милли ашлар оешмалары нинди булырга тиеш һәм кадрлар үсеше мәсьәләләре ничек хәл ителә дигән сорауларга җавап бирәчәкләр.
Шулай ук катнашучылар Мәскәү базары реновациясенең индустриягә йогынтысы турында фикер алышачаклар, мәйданчыкның гастрономик тәҗрибәләр өчен урын була алуы һәм эшмәкәрләрне, җитештерүчеләрне һәм шәһәр халкын азык-төлек темасы тирәсендә берләштерүе турында сөйләшәчәкләр.
Чара Мәскәү базары бинасының үзәк мәйданында узачак. Башлана вакыты: 19:00.
Исегезгә төшерәбез, көзен Казанда Мәскәү базары бинасын реконструкцияләү тәмамланачак. Шәһәрнең иң борынгы сәүдә мәйданчыкларының берсе Татарстан башкаласында фуд-холл форматында эшләүче беренче объект булачак.
Ике катта сәүдә рәтләре, ачык кухнялар һәм шоурумнар урнаштырачаклар. Базар тирәсендәге мәйданнарның яртысын ял итү өчен җәмәгать киңлекләренә бирәчәкләр. Алга таба янәшәдәге территориядә амфитеатр һәм агач корнерлар белән яшел мәйдан төзекләндереләчәк, павильоннар төзеләчәк һәм ярминкә зонасы оештырылачак. Пространствоны яңарту концепциясен алдан мэр Илсур Метшинга тәкъдир иткәннәр иде.
Шулай ук укыгыз
-
29.04.2025, 17:56 -
29.04.2025, 17:11 -
29.04.2025, 16:43 -
29.04.2025, 16:02
