Казанлылар балаларына Әклим, Аслан, Устинья, Аурика, Лила, Гомәр, Илдана, Эрик, Әсмирә исемнәре биргән

Казанлылар балаларына Әклим, Аслан, Устинья, Аурика, Лила, Гомәр, Илдана, Эрик, Әсмирә исемнәре биргән

<p> (Казан шәһәре KZN.RU, 1-нче февраль). Узган атнада Казанның Гражданнар хәле актларын теркәү бүлекләрендә 387 бала (203 малай һәм 184 кыз) тууы теркәлгән. </p> <p> Казанның иң яшь анасы белән атасына 19 яшь булса, иң өлкән анага – 43 яшь, иң өлкән атага -48. Туган вакытта минималь һәм максималь бала авырлыгы күрсәткечләре – 980 һәм 4040 грамм. </p> <p> Атна дәвамында иң еш кушылган исемнәр: Айлин, Зәринә, Денис, Амелия, Ралинә, София, Кәрим, Варвара, Ева, Александр, Анастасия, Камил. Сирәк кушылган исемнәр: Әклим, Аслан, Устинья, Аурика, Лила, Гомәр, Илдана, Эрик, Әсмирә. </p> <p> Шушы ук чорда Гражданнар хәле актларын теркәү бүлекләрендә 149 пар никахларын рәсмиләштергән. Иң яшь кияү белән кәләшкә - 19 һәм 18 яшь булса, иң өлкәннәренә – 71 һәм 62 яшь, дип хәбәр итә Казанның Гражданнар хәле актларын теркәү идарәсе. </p>

2018-02-01T14:06:50+0300