Казанлылар балаларына Ричард, Дарьяна, Властелина, Амелия, Залина исемнәре биргән

Узган атнада Казанның Гражданнар хәле актларын теркәү бүлекләрендә 413 бала тууы теркәлгән.

(Казан шәһәре KZN.RU, 13-нче декабрь). Узган атнада Казанның Гражданнар хәле актларын теркәү бүлекләрендә 413 бала (224 малай һәм 189 кыз) тууы теркәлгән.

Казанның иң яшь анасына 18 яшь булса, иң өлкәненә – 45. Иң яшь әтигә 19 яшь булса, иң өлкәненә – 51. Туган вакытта минималь һәм максималь бала авырлыгы күрсәткечләре – 840 һәм 4770 грамм.

Атна дәвамында иң еш кушылган исемнәр: Марк, Кәрим, Мәликә, Ясминә, Амелия, Мария, Роман, Әмир, Тимур, Ульяна.

Сирәк кушылган исемнәр: Ричард, Дарьяна, Властелина, Земфира, Рамзан, Мишель, Милена, Залина, Нәфисә, Савелий.

Шушы ук чорда Гражданнар хәле актларын теркәү бүлекләрендә 153 пар никахларын рәсмиләштергән, дип хәбәр итә Казанның Гражданнар хәле актларын теркәү идарәсе.

Шулай ук укыгыз

Барлык яңалыклар