Казанлылар балаларына Тейя, Агат, Саяф, Севиль, Аиза исемнәре биргән

Узган атнада шәһәрдә 209 малай һәм 172 кыз тууы теркәлгән.

(Казан шәһәре KZN.RU, 27-нче апрель). Узган атнада, 19 апрельдән 25 апрельгә кадәр, Казанның Гражданнар хәле актларын теркәү бүлекләрендә 381 бала (209 малай һәм 172 кыз) тууы теркәлгән.

Казанның иң яшь анасына 19 яшь булса, иң өлкәненә – 44. Иң яшь әтигә 20 яшь булса, иң өлкәненә – 57. Туган вакытта минималь һәм максималь бала авырлыгы күрсәткечләре – 580 һәм 4890 грамм.

Атна дәвамында иң еш кушылган исемнәр: Мария, Александр, София, Алиса, Артем, Радмир, Тимур, Азалия, Әминә, Әмир, Сәмир, Кәрим. Сирәк кушылган исемнәр: Тейя, Агат, Усман, Савелий, Саяф, Альмина, Севиль, Аиза, Давид, Радмила, Эдгар, Ясин.

Шушы ук чорда Гражданнар хәле актларын теркәү бүлекләрендә 226 пар никахларын рәсмиләштергән. Иң яшь кияү белән кәләшкә – 18 яшь булса, иң өлкәннәренә – 82 һәм 69 яшь, дип хәбәр итә Казанның Гражданнар хәле актларын теркәү идарәсе.

Шулай ук укыгыз

Барлык яңалыклар