Казанлылар балаларына Мелетий, Леон, Стефания, Әмин, Амелина, Айхан исемнәре биргән

Март башыннан Казанның Гражданнар хәле актларын теркәү бүлекләрендә 458 бала тууы теркәлгән.

(Казан шәһәре KZN.RU, 15-нче март). 1 марттан 14 мартка кадәр Казанның Гражданнар хәле актларын теркәү бүлекләрендә 458 бала (223 малай һәм 235 кыз) тууы теркәлгән.

Атна дәвамында иң еш кушылган исемнәр: Никита, Самирә, Артем, Кәрим, Аяз, Матвей, Софья, Арина, Алиса, Тимур, Кирилл. Сирәк кушылган исемнәр: Мелетий, Леон, Стефания, Әмин, Радима, Латыйфа, Любовь, Рената, Амелина, Айхан.

Казанның иң яшь анасына 17 яшь булса, иң өлкәненә – 45. Иң яшь әтигә 20 яшь булса, иң өлкәненә – 54. Туган вакытта минималь һәм максималь бала авырлыгы күрсәткечләре – 700 һәм 4780 грамм.

Шушы ук чорда Гражданнар хәле актларын теркәү бүлекләрендә 123 пар никахларын рәсмиләштергән. Иң яшь кияү белән кәләшкә – 21 һәм 19 яшь булса, иң өлкәннәренә – 71 һәм 62 яшь, дип хәбәр итә Казанның Гражданнар хәле актларын теркәү идарәсе.

Шулай ук укыгыз

Барлык яңалыклар