Казанлылар балаларына Дәлия, Арон, Иллария һәм Амея исемнәрен бирделәр

Казанлылар балаларына Дәлия, Арон, Иллария һәм Амея исемнәрен бирделәр

<p> <img width="870" src="https://www.kzn.ru/upload/iblock/96a/DSC_4417.jpg" height="652"> </p> <p> (Казан шәһәре KZN.RU, 13-нче июнь). Узган атнада, 3-нче июньнән 9-нчы июньгә кадәр, Казан Гражданлык хәле актларын теркәү бүлекләрендә 357 сабый тууы теркәлде: 197 малай һәм 160 кыз. </p> <p> Иң яшь әнигә 19, иң яшь әтигә 20 яшь. Иң өлкән әни – 42 яшьтә, иң өлкән әти – 56 яшьтә. Туган вакытта иң җиңел авырлыктагы бала 1180 грамм булса, иң авыры - 4630 грамм. </p> <p> Бу атнада балаларга кушылган исемнәр арасында иң популярлары: Артем, Әминә, Тамерлан, Әмир, Кәрим, Мария, Әскәр, Матвей, Рената һәм Камилла. Ата-аналар үз сабыйларына кушкан иң сирәк исемнәр: Дәлия, Арон, Иллария, Нәргизә, Самуэль, Дияз, Ландыш, Амея, Асмира, Элиза, Эвелина, Инсар. </p> <p> Шул ук вакыт аралыгында шәһәрнең Гражданлык хәле актларын теркәү бүлекләрендә 263 пар үзләренең никахларын теркәде, дип хәбәр итә Казанның Гражданлык хәле актларын теркәү идарәсе. </p>

2019-06-13T15:50:43+0300