Казанлылар өстәмә документлар бирмичә генә исәпкә баса һәм эшсезлек буенча пособиене рәсмиләштерә ала

РФ Хөкүмәтенең 2020 елның 27-нче мартыннан чыккан карары белән өч айга 12130 сум күләмендә эшсезлек буенча максималь пособие билгеләнә.

(Казан шәһәре KZN.RU, 16-нчы апрель). Казанлылар өстәмә документлар бирмичә генә эшсез сыйфатында исәпкә кую өчен гариза бирә һәм «Россиядә - эш» порталы аша онлайн пособие рәсмиләштерә ала.

Мәшгульлек органнары туры килә торган вакансияләрне эзли башласын өчен, гариза һәм резюмены тутыру да җитә. Яңа тәртип хезмәт кенәгәсенең күчермәсен, эштән чыгару турында боерык һәм алдагы эш бирүчедән уртача айлык хезмәт хакы турында белешмә бирү кирәклеген юкка чыгара. Элеккеге эш урыны һәм хезмәт өчен түләү дәрәҗәсе турында мәгълүмат, шулай ук мәшгульлек үзәкләре гаризасында мәгълүматларның дөреслеген ведомствоара хезмәттәшлек юлы белән (пенсия фонды һәм салым органнары белән) аныклаячаклар.

Вакансияләр турында мәгълүмат эзләүченең шәхси кабинетына керәчәк, ул аны кызыксындырган тәкъдимгә җавап бирә алачак, ә эш бирүче үз чиратында резюме белән танышачак, эшкә яки әңгәмәгә чакырачак. Әгәр шул вакыт эчендә кеше эшкә урнаша алмаган булса, унберенче көнгә пособие билгеләнәчәк.

«Россиядә - эш» гомумроссия порталында гариза бирү өчен халыкның расланган исәп язмасы булырга тиеш (Бердәм идентификация һәм аутентификация системасы аша керү). Аны түбәндәге ысуллар белән алырга мөмкин: күпфункцияле үзәк һәм Россия Пенсия фондының Татарстан Республикасы буенча район идарәләре, «Ак Барс» банк бүлекчәләре, «Сбербанк», «Тинькофф Банк», «Почта Банк» онлайн-банклары аша (бу банкларның клиенты булырга кирәк).

Исегезгә төшерәбез, Россия Федерациясе Хөкүмәтенең 2020 елның 27-нче мартыннан чыккан карары белән өч айга 12130 сум күләмендә эшсезлек буенча максималь пособие билгеләнә - эш урынында аларның керем дәрәҗәсенә карамастан, 2020 елның 1-нче мартыннан мәшгульлек үзәкләренә мөрәҗәгать иткән барлык гражданнар өчен 2020 елның 1-нче апреленнән 30-нчы июненә кадәр.

Балигъ булмаган балалары булган эшсез гражданнарга әлеге чорда һәр балигъ булмаган балага 3 мең сум исәбеннән югары пособие билгеләнәчәк.

Казанда эшкә урнашу һәм махсус программалар буенча +7(843)562-48-16 һәм коронавируска каршы көрәш буенча +7(800)222-59-00 телефоннары буенча кайнар линияләр эшли.

Шулай ук укыгыз

Барлык яңалыклар