Казанлылар үзләренең туганнары турында «Җиңү йөзләре» тарихи проекты базасына мәгълүмат кертә ала

Моны мөстәкыйль рәвештә күп функцияле үзәкләрдәге компьютер аша яки «Минем документлар» офисы хезмәткәренә мөрәҗәгать итеп башкарырга мөмкин.

Фото: Денис Гордийко

(Казан шәһәре KZN.RU, 10 нчы март). Күп функцияле үзәкләр офисларында Татарстан халкы «Җиңү йөзләре» тарихи депозитариена үзләренең якыннары һәм туганнары турында мәгълүмат кертә ала.

Моны «Минем документлар» офисларының кабул итү залларында урнашкан компьютерлардан файдаланып яки күп функцияле үзәк белгеченә мөрәҗәгать итеп башкарырга мөмкин. Хезмәткәр фоторәсемне сканерлый һәм аның турында мәгълүматны проект базасына кертә.

«Җиңү йөзләре» депозитарие – иң зур архив, җиңүгә шәхси өлеш керткән кешеләрнең цифрлы фотографияләре һәм тарихлары банкы.

Шулай ук «Үлемсез полк» бөтенроссия акциясендә катнашу өчен күп функцияле үзәк офисларында фотографияләр бастырырга мөмкин, дип хәбәр ителә «Минем документлар» офисы сайтында.

Шулай ук укыгыз

Барлык яңалыклар