Казанлылар QR-кодларны дәүләт хезмәтләре порталында теркәлмичә күп функцияле үзәктә бастыра ала

18-нче ноябрьдән «Минем документлар» офислары үзгәргән график буенча эшләячәк.

Фото: Марат Мугинов

(Казан шәһәре KZN.RU 17-нче ноябрь). Казанлылар QR-кодларны, дәүләт хезмәтләре порталында теркәлмичә, күп функцияле үзәктә бастыра ала. Күп функцияле үзәк хезмәткәрләренә Россия Саннар министрлыгы эшләгән махсус сервиска керү мөмкинлеге бирелде.

Сервиста сертификатларның медицина мәгълүматлары булмаган, ләкин электрон статусы һәм гамәлдә булу срогы булган кәгазь версияләре формалаштырыла. Әлеге хезмәттән файдалану өчен күп функцияле үзәк белгеченә шәхесне раслаучы документ, шулай ук СНИЛС һәм ОМС полисын (булган очракта) тапшырырга кирәк. Хезмәт күрсәтүне сорап гариза бирүче вәкил яки аның ышанычлы заты мөрәҗәгать итәргә хокуклы, соңгы очракта мөрәҗәгать итүче исеменнән эш итү хокукын раслый торган документлар кирәк (ышанычнамә гади язма рәвештә булырга мөмкин).

Моннан тыш, 18-нче ноябрьдән Казанда «Минем документлар» офислары үзгәртелгән график буенча эшләячәк. Күп функцияле үзәкнең октябрь уртасында кертелгән көчәйтелгән эш режимы ЕСИАның хисап язмасын раслау һәм соңгы 6 ай эчендә авырган яисә вакцина ясаткан булу турында QR-кодны бастырып чыгарырга теләүчеләрнең кыскартылган агымына бәйле рәвештә төзәтелде, дип хәбәр ителә күп функцияле үзәк сайтында.

Татарстанда барлык күп функцияле үзәкләр дә ялларсыз кабул итә, ЕСИА хисап язмасын раслау һәм QR-кодларны бастырып чыгару өчен 8:00 сәгатьтән 17:00 сәгатькә кадәр хезмәт күрсәтү каралган. Якындагы якшәмбедән башлап белгечләр килүчеләрне 9:00 сәгатьтән 15:00 сәгатькә кадәр кабул итәчәк.

Моннан тыш, «Минем документлар» Казан офисларының эш режимы октябрь уртасыннан 8:00 сәгатьтән 20:00 сәгатькә кадәр озайтылды. Әмма иртәгәдән өстәмә кабул итү вакыты кыскартылачак. Конкрет офисның эш графигы турында сайтта белергә мөмкин.

Шулай ук укыгыз

Барлык яңалыклар