Казанлыларның цифрлы икътисад компетенцияләре буенча белем алу мөмкинлеге бар

Барлык теләге булган кешеләр дә укуларны уза һәм шәхси цифрлы сертификат ала ала.

(Казан шәһәре KZN.RU, 6-нчы декабрь). Татарстанда цифрлы икътисад компетенцияләре программалары буенча дәүләт хисабына укырга гаризалар кабул итү башланды. Барлык теләге булган кешеләр дә укуларны уза һәм шәхси цифрлы сертификат ала ала.

Цифрлы сертификат цифрлы икътисад лидеры булган компанияләр катнашында билгеләнгән кирәкле юнәлешләр буенча түләүсез уку мөмкинлеге бирә. Бүген курслар каталогында 40-ка якын квалификация күтәрү программасы тәкъдим ителгән.

Биредә яшәүчеләр ясалма интеллект, IT-продуктларны программалаштыру һәм булдыру, сәнәгать дизайны һәм 3D-модельләштерү, киберкуркынычсызлык һәм мәгълүматларны яклау, әйберләр һәм сәнәгать интернеты, зур мәгълүматлар һәм башкалар буенча компетенцияләрне үзләштерә алачак.

«Цифрлы икътисад өчен кадрлар» федераль проекты кысаларында үткәрелә торган укытуда шулай ук Башкортстан, Якутия, Ростов һәм Тула өлкәләрендә яшәүчеләр дә катнаша. Бу төбәкләр цифрлы икътисад компетенцияләрен пилот форматында үстерү өчен персональ санлы сертификатлар бирү модельләрен сынап караячак. Башка төбәкләрдә яшәүчеләр программага киләсе елда ук тоташа алачак, дип хәбәр итә ТР Дәүләт идарәсенең Цифрлы үсеш, мәгълүмати технологияләр һәм элемтә министрлыгының матбугат хезмәте.

Катнашу өчен түбәндәге сылтама буенча гариза бирергә мөмкин. Кандидатларга сайлап алынган цифрлы икътисадның әзерлек дәрәҗәсен билгеләү өчен онлайн-тест узарга кирәк.

Шулай ук укыгыз

Барлык яңалыклар