Казанлылар мобиль пунктта бушлай диспансеризация үтә ала

Казанлылар мобиль пунктта бушлай диспансеризация үтә ала

<p> Казанда 1, 2 һәм 3 нче номерлы хастаханәләргә беркетелгән кешеләр өчен бушлай күчмә диспансеризация старт алды. Мобиль пункт Маршал Чуйков урамы буйлап 29 нчы йорт белән янәшә кабул итә, дип хәбәр иттеләр 7 нче шәһәр клиник хастаханәсендә. </p> <p> Диспансеризация кысаларында шәһәр халкы кан анализлары тапшыра һәм шунда ук нәтиҗәләрен дә белә ала. Пациентларга антропометрия, корсак куышлыгы органнарына УЗИ, флюорография, ЭКГ һәм маммография үткәрәчәкләр. Барлык теләүчеләр терапевт, невролог һәм гинекологтан консультация ала алачак. </p> <p> Бушлай күчмә диспансеризация 28 декабрьгә кадәр көн саен иртәнге 6:00 дан 22:00 гә кадәр уздырылачак. Үзең белән паспорт, мәҗбүри медицина иминияте полисы һәм СНИЛС алырга кирәк. </p> <p> Исегезгә төшерәбез, Казанда ноябрьдә 6422 кеше бушлай <a target="_blank" href="https://kzn.ru/meriya/press-tsentr/novosti/okolo-6-5-tysyachi-kazantsev-proverili-zdorove-v-mobilnykh-punktakh/?lang=ta">тикшеренү узган</a>. Алар арасында 3933 кеше диспансеризация, тагын 570 кеше профилактик караулар узган. Барлык тикшеренү үтәргә теләгән кешеләр беркетелү урыны буенча хастаханәгә мөрәҗәгать итә ала. </p>

2024-12-17T12:43:00+0300