Яңалыклар
04.04.2023, 14:54
Казанлылар машина йөртү таныклыкларының гамәлдә булу вакытын 3 елга озайта ала
Халыкара документ Модель урамындагы ЮХИДИ бүлекчәсендә генә бирелә.
Фото: Денис Гордийко
(Казан шәһәре KZN.RU, 4 нче апрель). Машина йөртү таныклыкларының гамәлдә булу вакыты 2022 елның 1 нче гыйнварыннан 2023 елның 31 нче декабренә кадәр чорда тәмамланган казанлылар аларны 3 елга озайта ала. Шул ук вакытта документларга үзгәрешләр кертү таләп ителми, дип хәбәр итә Россия Эчке эшләр министрлыгының Казан буенча ЮХИДИ бүлеге.
Кабул итүгә дәүләт һәм муниципаль хезмәтләрнең бердәм порталы аша электрон рәвештә язылырга мөмкин. Шул ук вакытта дәүләт пошлинасын түләргә кирәк. Аннары имтихан бүлегенә документларның төп нөсхәләре – машина йөртү таныклыгы, медицина белешмәсе һәм паспорт белән мөрәҗәгать итү зарур. Алдан язылмыйча, гражданнарны кабул итү көннәрендә бүлекчәгә шәхсән мөрәҗәгать итәргә мөмкин.
Машина йөртү таныклыкларын, шул исәптән халыкара таныклыкларны алу өчен күп функцияле үзәкләргә дә мөрәҗәгать итәргә мөмкин, аларда 15 эш көне дәвамында хезмәт күрсәтеләчәк. Шул ук вакытта халыкара йөртү таныклыклары республика территориясендә Казанда гына бирелә – Модель урамы, 10 адресы буенча бүлекчәдә. Моның өчен паспорт, Россия йөртү таныклыгы, 3,5х4,5 см зурлыктагы фото (матовый нигездә) һәм дәүләт пошлинасы түләү турында мәгълүмат кирәк.
Халыкара йөртү таныклыгы 3 елга, әмма Россия йөртү таныклыгы гамәлдә булган вакытка гына бирелә. Әгәр аның хуҗасының шәхси мәгълүматлары үзгәрсә, документ алыштырылырга тиеш. Бу процедура, аларның срогы тәмамлангач хокукларны алмаштыру кебек үк башкарыла, аерма шунда ки, медицина белешмәсе таләп ителми (ул шулай ук хокукларны торгызганда да таләп ителми). Ләкин гариза бирүче 10 елга машина йөртү таныклыгы алырга ниятләсә, бу очракта ул гамәлдәге медицина белешмәсен күрсәтергә тиеш.
Шулай ук укыгыз
-
29.04.2025, 17:56 -
29.04.2025, 17:11 -
29.04.2025, 16:43 -
29.04.2025, 16:02
