Казанлылар «Бөек Җиңү геройлары – 2021» әдәби конкурсына кушыла ала

Гаризалар кабул итү һәм сайлап алу этабы 1-нче майга кадәр дәвам итәчәк.

Фото: Денис Гордийко

(Казан шәһәре KZN.RU, 10-нчы февраль). Казанлылар «Бөек Җиңү геройлары – 2021» әдәби конкурсында катнаша ала. Гаризалар кабул итү һәм сайлап алу этабы 1-нче майга кадәр дәвам итәчәк.

Проектта, җенесенә, яшенә һәм гражданлыгына карамастан, барлык теләүчеләр дә катнаша ала. Моның өчен эпик, тарихи һәм хәрби-патриотик эчтәлекле әдәби хикәя, очерк, эссе, шигырь, рәсем яки җыр тексты язарга кирәк. Эштә совет солдатларының батырлыгы һәм Ватанны саклаган Россия сугышчыларының, шулай ук локаль сугышларда һәм хәрби конфликтларда катнашкан хәрби хезмәткәрләрнең батырлыгы чагылыш табарга тиеш. Материалларны гариза белән бергә оештыручылар почтасына җибәрергә кирәк: gvp2017@mail.ru.

Сайлап алу этабы 1-нче майга кадәр, ярымфинал – 10-нчы июньгә кадәр, ә финал 25-нче июльгә кадәр узачак. Җиңүчеләр 1-нче сентябрьдә билгеләнәчәк, бүләкләү 25-нче декабрьгә кадәр дәвам итәчәк. Тулырак мәгълүматны проектының героивеликойпобеды.рф рәсми сайтында табарга мөмкин.

Оештыручылар Россия Язучылар берлеге, Россия хәрби-тарихи җәмгыяте, Оборона министрлыгы, Мәгариф министрлыгы һәм РФ Мәдәният министрлыгы, шулай ук Россия дәүләт китапханәсе һәм башкалар, дип хәбәр итә «Татмедиа» агентлыгы.

Шулай ук укыгыз

Барлык яңалыклар