Яңалыклар
17.10.2024, 16:29
Казанлылар экологик яшәү рәвеше темасына сораштыруда катнаша ала
Узу вакыты өч минуттан да артмаячак
Казанда экологик яшәү рәвеше темасына сораштыру башланды. Анда теләге булган һәркем катнаша ала.
Сораштыруны үтүгә өч минуттан да артык вакыт кирәк булмаячак. Анкетада сезне Казан белән нәрсә бәйли, сез нинди экогадәтләрне саклыйсыз, шәһәр монда ничек ярдәм итә ала, дип күрсәтергә сорыйлар. Сораштыруны сылтама буенча үтәргә мөмкин.
Сораштыруны шәһәр мэриясе һәм «Казанның тотрыклы үсеше» проекты командасы үткәрә.
Исегезгә төшерәбез, мэр Илсур Метшин йөкләмәсе буенча Татарстан Республикасы башкаласында тотрыклы үсеш стратегиясен эшлиләр. Документ төзүдә башкарма комитетның барлык бүлекчәләре катнаша, аларны алга таба үз эшләрендә кулланачаклар.
Элегрәк башкарма комитетта торак комплекслар төзегәндә экопринципларны үтәүгә багышланган түгәрәк өстәл узды. Катнашучылар җир асты парковкаларында икенчел чимал җыю пунктларын ачарга һәм йортлар территорияләрендә эшкәртелгән чүп-чардан МАФлар урнаштырырга тәкъдим иттеләр
Шулай ук укыгыз
-
30.04.2025, 15:45 -
30.04.2025, 14:03 -
30.04.2025, 09:14 -
29.04.2025, 17:56
