Казанлылар «Tatar сүзе – 2022» халыкара шигырь укучылар конкурсында катнаша ала

Татар телендә шигырьләр, мәсәлләр һәм проза башкару белән видеоязмалар 15-нче декабрьгә кадәр кабул ителә.

Фото: Марат Мугинов

(Казан шәһәре KZN.RU 18-нче ноябрь). Казанлылар «Tatar сүзе – 2022» татар телендә әдәби әсәрләр укучылар халыкара конкурсында катнаша ала. Конкурста катнашучылар шигырьләр, мәсәлләр һәм проза башкаруда көч сынашачак. Моннан тыш, быел конкурста ике яңа номинация барлыкка килде – «Автор-башкаручы» һәм «Шигъри гаилә». Катнашучыларның яше барлык номинацияләрдә дә чикләнмәгән.

Конкурс ТР Президенты каршындагы Татар телен саклау һәм үстерү мәсьәләләре комиссиясе ярдәмендә Тукай исемендәге Татар дәүләт филармониясе тарафыннан оештырыла.

Жюри хөкеменә катнашучылар конкурс өчен махсус әзерләнгән 5 минуттан да артык булмаган видеоязмалар тапшырырга тиеш. Экспертлар актерлык осталыгын, дикция, костюм, реквизит һәм музыкаль бизәлешне бәяләячәк.

Гаризалар 15-нче декабрьгә кадәр tatarsuze@tatfil.ru электрон адресына яки +7(919)690-04-22 номеры буенча WhatsApp мессенджерына кабул ителә. Конкурс турындагы нигезләмә белән түбәндәге сылтама буенча танышырга мөмкин.

Укучыларның чыгышларын 2022 елның 10-нчы февраленә кадәр бәяләячәкләр, ә нәтиҗәләр 21-нче февральдә, Халыкара туган тел көнендә узачак гала-концертта тәкъдим ителәчәк, дип хәбәр ителә Тукай исемендәге Татар дәүләт филармониясе сайтында.

Шулай ук укыгыз

29.04.2025, 17:56

Татарстанда 23 м/с ка кадәр көчле җил көтелә
29.04.2025, 17:11

Сак булыгыз, талпаннар! Яз башыннан Татарстанда 864 талпан тешләве теркәлгән
29.04.2025, 16:43

Казанда Копылов урамында транспорт хәрәкәтен өлешчә чикләячәкләр
29.04.2025, 16:02

Казанга «Җиңү поезды» мемориаль составы киләчәк

Барлык яңалыклар