Яңалыклар
10.03.2025, 17:54
Казанлылар XIII Республика ифтарына билетлар ала алачак
Ифтар мәҗлесе 19 мартта булачак
Быел XIII Республика ифтары 19 мартта узачак. «Казан Экспо» Халыкара күргәзмәләр үзәгендә булган ифтар мәҗлесенә теләге булган һәркем килә ала. Ифтарда 13 мең кеше җыелыр, дип планлаштырыла.
Билет алу өчен район мөхтәсибәтенә, мәчеткә яки ТР мөселманнары Диния нәзарәте резиденциясенә мөрәҗәгать итәргә кирәк. Ифтар Ватанны саклаучылар елы кысаларында, шулай ук Бөек Ватан сугышында Җиңүнең 80 еллыгы билгесе астында уздырылачак, дип хәбәр итә республика мөселманнары Диния нәзарәте.
Исегезгә төшерәбез, узган ел XII Республика ифтарында бөтен төбәктән 12 мең мөселман катнашты. Чарада республика рәисе Рөстәм Миңнеханов, Татарстанның дәүләт киңәшчесе Минтимер Шәймиев һәм Казан мэры Илсур Метшин катнашты.
Шулай ук укыгыз
-
30.04.2025, 15:45 -
30.04.2025, 14:03 -
30.04.2025, 09:14 -
29.04.2025, 17:56
